فديت روحك
صاحب الموقع
سجّل في : 13 ديسمبر 2007
عدد المساهمات : 1477
رقم العضوية : : 1
علم الدولة : 
 |  موضوع: عبر عن حبك لأمك وأبوك ولو بمسج  الجمعة فبراير 08, 2008 3:09 am | |
|
هــــــلآ وغـــــلآ بكل من نور صفحتي 
في هالدنيا ناس غالين علينا وودنا نرد لهم الجميل ونعبر عن حبنا وتقديرنا لهم بأي طريقة كانت
ومن هالناس اللي مهما عملنا لهم ماراح نوفيهم حقهم .. الأم الأب
طيب ليه مانرسل لهم مسج بسيط ومو ضروري تكون له مناسبه عشان نرسله
صدقوني راح تشوفون الدنيا ماهي سايعتهم لأننا ذكرناهم بمسج
أنا جمعت كم مسج و إن شاء الله تعجبكم
***************************************
الأم
إسألوا دمي ... وسعادتي وهمي
إسألوا التوفيق ... والكدر والضيق
إسألواالطيب بصفاتي ... والدعاء اللي بصلآتي
إسألوا شهودي ... الدموع اللي بسجودي
إسألوهم .... عن غــــــلآ أمـــــــــــي....
*************************
أمي يااول اسم عشته في دنياي
يا اول اسم تنطق اشفاي طاريه
انتي هوا روحي وبعروقي الماي
عمري بدونك عمر ماعشت انا فيه
ياما لقيتك في شتاء وقت ادفاي
حضنك يدفيني بحنانه ويداريه
*************************************
اوسع من الكون قلبك ياللي سهرتي الليالي
حب الله من يحبك يامن لها اسم غالي
اقرب من الروح قربك ويالام وبلا بدالي
انتي السما ونحن شهبك لك منزل فوق عالي
قلب تولع يحبك حبه شريف مثالي
درب الهناء يعله دربك ياصانعه للرجال
ويجزيك بالخير ربك عالصبر والاحتمال
*******************************
ياامي ياغلا الدنيا. واصدق عاطفه في الكون
وادفى حضن يحضني ..واكبر قلب يحويني
انا بك دنيتي جنه وبسماتك مطر ونزول
وضحكاتك ربيع اخضر زهوره فتحت فيني
********************************
امي اللي قلبهـا عـن كـل قلـب
شفت منها في حياتـي كـل خيـر
امي اللي حبهـا مـن جـد حـب
يا حلات احساسها العذب الغزيـر
ان تعبت النوم يرفـض لا يطـب
عينها حتى تعـرف انـي بخيـر
ان بغيت احسب غلاها ما نحسـب
احسب احسب لكن اغلط في الاخير
هاذي امي قلبها عـن كـل قلـب
كيف اقارن حبها مع حـب غيـر ؟؟؟؟؟
********************************
يـمـــه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يـمـــه وينك !؟
ماتت اللهفة بيدّي .. تنتظر لهفة يدينك !
يـمـــه خوذيني معك ..
بس اشوفك .. واسمعك !
ودي لو أقتل بصدري هالسؤال :
يــمـــه وينك !!؟............
|
|
|
|
الأب
ويامرحبا ترحيبة كلها أشواق بالوالد اللي كلنا محترينه
يابوي قدرك داخل القلب عالي افرح ليامن جابوا الناس طاريك
اقول ابوي ويبتهج كل معلوق لامن ذكرتك زال همي وضيقي
يابوي لو تطلب حياتي عطيتك انا ومالي كلنا ملك يمناك
طاريك ياابوي في عيني وفي قلبي ياتاج راس القصيد وفزعة اوزانه
************************* *********
تضيق بي دنياي يابوي لاضقت وإليا إبتسمت أحس يضحك زماني
لامن مرضت أدعي عسى الله يشافيك وأقول يايبه عساني بدالك
يبه خضعت لطاعتك وافتخر فيك وأفخر بأني فيك ياوالدي بار
************************
يبه الغـــالي :
والله اني لو رخصت العمر كله في رضاك
........................... مايوفي ربع حقك وانت حقك مايهون
يايبه ياتاج راسي يا عسى عمري فداك
.......................... ياغناتي والله انك لو تبي عيني تمون
واحدوعشرين عام ماترددت بعطاك
......................... ياشبيه الغيث لامن ساقته غر المزون
والله اني لو كثر خيري فانا خيري ذراك
................. شوفني بنت كامله بس دونك .. ويش اكون؟
ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟
يايبه يانور عيني شب عمري في هناك
..................... والله انه ابرد امن الما على كبدالظعون
يايبه ياجعل روحي فدوه لموطى خطاك
....................... حطني بينك وبين الوقت وكبار الطعون
العمر والنفس واللي املكه كله فداك
..................... واعرف انه ربع حقك وانت حقك ما يهون
*******************
حبك يابوي على قلبي غالـــــــــــــــــي ماانرسم في الكون مثله ولاكان
رويت ظمآي بعطف وحب صافـــــــــي ومنك تعلمت يا أروع إنســـــــــان
إن شردت عنك أبد ماني بناســـــــــي لحظة شرودي عنك بحر حرمـــان
واليوم يابوي مايكفي بوس الأيــادي لجيت أهني نفسي بك ياكل الأمــان
***************************
يبه لاتطول الغيبة تزيد الجروح
ارجع لي يابعد هالدنيا يرجع لي خافقي والروح
يبه ترى وجودك يحسسني بالأمان
تكفى طلبتك
لا طول الغيبة يطول الحرمان
******************
كلمة شكراً ما تكفي
و المعنى أكبر ما توفيه
لو بيدي العمر أعطيه
أعبر له عن مدى شكري
أبوي يابعد عمري
***********************
أتمنى إنها تعجبكم
_________________
|
|
عاشق مها
عضو ذهبي
سجّل في : 08 فبراير 2008
عدد المساهمات : 101
علم الدولة : 
| | موضوع: رد: عبر عن حبك لأمك وأبوك ولو بمسج الجمعة فبراير 08, 2008 3:50 am | |
| | يعطيك العافيه |
|
المـسافر
ღღ عضو نشيط ღღ
سجّل في : 16 يناير 2008
عدد المساهمات : 223
رقم العضوية : : 41
علم الدولة : 
| | موضوع: رد: عبر عن حبك لأمك وأبوك ولو بمسج الخميس فبراير 14, 2008 12:48 am | |
| يعطيك العافيه
وتقبل مروري
المسافر
_________________
_ التوقيع _  |
|
فديت روحك
صاحب الموقع
سجّل في : 13 ديسمبر 2007
عدد المساهمات : 1477
رقم العضوية : : 1
علم الدولة :
| | موضوع: رد: عبر عن حبك لأمك وأبوك ولو بمسج الخميس فبراير 14, 2008 2:43 am | |
| شاكر لك مرورك أخوي المسافرو عاشق مها
أخوك / فديت روحك
^_&
_________________
|
|
